CamboTech2

Tuesday, December 30, 2014

ចេះតែមាន!!! យកកាមេរ៉ា iPhone 6 សាកល្បងជាមួយកាមេរ៉ារបស់ CNN

Harvey ជាភ្នាក់ងារ អ្នកកាន់កាមេរ៉ារបស់ទូរស្សន៍ CNN មួយរូប បានធ្វើការប្រៀបធៀប នូវកាមេរ៉ាធំរបស់ខ្លួនជាមួយនឹង កាមេរ៉ាទូរស័ព្ទ iPhone 6 ដែលជាស្មាតហ្វូនជំនាន់ចុងក្រោយរបស់ក្រុមហ៊ុន Apple. ក្នុងទិដ្ឋភាពនោះដែរ រូបគេបានថតជាប្រភេទវីដេអូ ក្នុងការប្រៀបធៀបគ្នា នៅខណៈពេលយប់ នៅក្នុងទីក្រុងមួយ។ ទោះមិននិយាយក៏ដឹងចម្លើយបានដែរថា កាមេរ៉ា iPhone 6 ប្រាកដជាមិនអាចយកឈ្នះ កាមេរ៉ាប្រភេទធំៗ របស់បុរសរូបនោះបានទេ។ ទោះជាយ៉ាងណា Harvey បានបញ្ជាក់ថាសំរាប់កម្រិតរូបភាពប៉ុណ្ណឹង គឺល្អគួរសម ហើយម្យ៉ាងវិញទៀតក៏អាចយកជាការបានដែរ បើពេលណាមានព័ត៌មានអ្វីមួយ ដែលខ្លួនពុំបានកាន់កាមេរ៉ាមកជាមួយ នោះ iPhone 6 គឺជាជំនួយដ៏ល្អរបស់គាត់។ រូបប៉ុន្មានសន្លឹកខាងក្រោមជាការប្រៀបធៀប។

https://www.youtube.com/watch?v=b-tL7GYh0Bw&feature=player_embedded#t=0

ចេះតែមាន!!! យកកាមេរ៉ា iPhone 6 សាកល្បងជាមួយកាមេរ៉ារបស់ CNN

https://www.youtube.com/watch?v=b-tL7GYh0Bw&feature=player_embedded#t=0

iPhone 6 Plus ជាប់កំណត់ត្រាពិភពលោកជាមួយបុរសវ័យ 17 ឆ្នាំ (មានវីដេអូ)

មនុស្សម្នាក់ៗតែងតែមានទេពកោសល្យខុសៗពីគ្នា ដោយឡែកសំរាប់បុរសម្នាក់់ជនជាតិប្រេសុីល ដែលមានអាយុ 17 ឆ្នាំ ហើយមានឈ្មោះថា Marcel Ferrari ដែលរូបគេបានបំបែកកំណត់ត្រា ពិភពលោកក្នុងការវាយ Typing នៅលើក្តារចុច លើទូរស័ព្ទបានលឿនជាងគេបំផុត។ មើលទៅដៃ ញាប់ដូចម៉ាសុីនដេរ :D ម្យ៉ាងវិញទៀតជម្រើសរបស់គាត់ គឺការប្រើប្រាស់ទូរស័ព្ទ iPhone 6 Plus របស់ក្រុមហ៊ុន Apple. ចង់ដឹងថាការប្រើប្រាស់នោះវិសេសយ៉ាងណា? តុះទស្សនាវីដេអូខាងក្រោមជាមួយខ្ញុំបាទទាំងអស់គ្នា។

https://www.youtube.com/watch?v=VwxYjgpGrQY&feature=player_embedded

iPhone 6 Plus ជាប់កំណត់ត្រាពិភពលោកជាមួយបុរសវ័យ 17 ឆ្នាំ (មានវីដេអូ)

https://www.youtube.com/watch?v=VwxYjgpGrQY&feature=player_embedded

ទៅទាញយក IPSW iOS 8.1.2 ពី Links ស្វ័យប្រវត្តិរបស់ Apple

ដោយសង្កេតឃើញថា មានអ្នកប្រើប្រាស់មួយចំនួន ធំមានការពិបាកស្រាវជ្រាវក្នុងការចូលទៅស្វែងរកតាមរយៈ Google ដូច្នេះហើយ ពួកយើងបានរៀបចំនូវរាល់ Links ទាំងអស់ ដែលសំរាប់ទាញយកនូវប្រព័ន្ធប្រតិបត្តិការកំណែថ្មី iOS 8.1.2 សំរាប់គ្រប់ iDevices ដែលអ្នកកំពុងប្រើប្រាស់។ តុះទាញយកជាមួយខ្ញុំបាទ អីឡូវនេះ :D

Downloads

iPad:

iPhone:

iPod touch:

iPod touch (5th generation)

ទៅទាញយក IPSW iOS 8.1.2 ពី Links ស្វ័យប្រវត្តិរបស់ Apple

ដោយសង្កេតឃើញថា មានអ្នកប្រើប្រាស់មួយចំនួន ធំមានការពិបាកស្រាវជ្រាវក្នុងការចូលទៅស្វែងរកតាមរយៈ Google ដូច្នេះហើយ ពួកយើងបានរៀបចំនូវរាល់ Links ទាំងអស់ ដែលសំរាប់ទាញយកនូវប្រព័ន្ធប្រតិបត្តិការកំណែថ្មី iOS 8.1.2 សំរាប់គ្រប់ iDevices ដែលអ្នកកំពុងប្រើប្រាស់។ តុះទាញយកជាមួយខ្ញុំបាទ អីឡូវនេះ :D

Downloads

iPad:

iPhone:

iPod touch:

iPod touch (5th generation)

Saturday, December 20, 2014

Nokia ឈប់អភិវឌ្ឍសេវាកម្មផែនទី HERE maps នៅលើ WP ទុកឱ្យ Microsoft បន្តវិញ

Nokia ឈប់អភិវឌ្ឍសេវាកម្មផែនទី HERE maps នៅលើ WP ទុកឱ្យ Microsoft អ្នកគ្រប់គ្រងបន្តវិញប្រភព៖ pctechmag

ក្រុមហ៊ុន Nokia នឹងលែងលូកដៃចូលក្នុងដំណើរការអភិវឌ្ឍសេវាកម្មផែនទី HERE និងពពួកកម្មវិធីស្វែងរកទីតាំងផ្សេងៗដំណើរការនៅលើប្រព័ន្ធ ប្រតិបត្តិការ Windows Phone តទៅទៀតហើយ។ ទោះបីជា HERE Map ដំបូងឡើងត្រូវបានបង្កើតដោយ Nokia ក៏ដោយ ប៉ុន្តែចាប់ពីពេលនេះទៅ ទិន្នន័យផែនទីសេវាកម្មនេះ គឺនឹងផ្ដល់អាជ្ញាប័ណ្ណដោយក្រុមហ៊ុន Microsoft វិញ ដែលនឹងទទួលរ៉ាប់រងលើការធ្វើបច្ចុប្បន្នភាពកម្មវិធីនេះជំនួស Nokia។

ម្យ៉ាងទៀត ក្រុមហ៊ុន Nokia មិនមានបំណងបោះបង់ HERE map ទេ ប៉ុន្តែនឹងនាំមកវិញនូវសេវាកម្មផែនទីរឹតតែប្រកបដោយសមត្ថភាពជាង មុនថែមទៀត។ ក្រុមហ៊ុនបានបង្កើតកម្មវិធីផែនទីសម្រាប់ដំណើរការលើ Android រួចមកហើយ ចំណែកប្រព័ន្ធប្រតិបត្តិការ iOS ក៏កំពុងសំងំអភិវឌ្ឍគ្រោងនឹងសម្រេចបាននៅឆ្នាំក្រោយ។ ទោះជាយ៉ាងណា កម្មវិធីសេវាកម្មផែនទីនៅលើ Windows Phone លែងជារបស់ Nokia ហើយ គឺគ្រប់គ្រងដោយ Microsoft វិញ៕

... Nokia សហការជាមួយក្រុមហ៊ុនប្រព័ន្ធព័ត៌មានភូមិសាស្ត្រល្បីលើលោក អភិវឌ្ឍសេវាកម្មផែនទី Here Maps អាចទស្សន៍ទាយស្ថានភាពចរាចរណ៍បាន ...
... Tablet របស់ Nokia ថ្មីសន្លាងប្រើអាជ្ញាប័ណ្ណម៉ាកផលិតផលខ្លួន គឺផលិត និងជួលយីហោប្រើដោយ Foxconn ...

ប្រភព៖ gsmarena

Nokia ឈប់អភិវឌ្ឍសេវាកម្មផែនទី HERE maps នៅលើ WP ទុកឱ្យ Microsoft បន្តវិញ

ប្រភព៖ gsmarena

ស្ដេច Gadget ចំនួន ១០ ពេញនិយមបំផុតសម្រាប់មនុស្សលើលោកក្នុងឆ្នាំ២០១៤ នេះ

ស្ដេច Gadget ចំនួន១០ ពេញនិយមបំផុតសម្រាប់មនុស្សលើលោកក្នុងឆ្នាំ២០១៤ប្រភព៖ yahoo

ក្នុង ឆ្នាំ២០១៤នេះ គេសង្កេតឃើញឧបករណ៍អេឡិចត្រូនិកមានការអភិវឌ្ឍជឿនលឿនយ៉ាងខ្លាំង ពិសេសគឺនៅលើបច្ចេកវិទ្យាទូរស័ព្ទដៃប្រភេទស្មាតហ្វូនតែម្ដង។ ក្នុងចំណោមស្មាតហ្វូនដែលបានចេញប្រឡូកទីផ្សារតាំងពីដើមឆ្នាំ២០១៤ មក ឃើញថា iPhone 6 ទទួលបានការគាំទ្រខ្លាំង ហើយក៏នៅមានស្មាតហ្វូនរបស់ Samsung និងស្មាតហ្វូន Xiaomi ផងដែរ។ ខាងក្រោមនេះ គឺជាស្មាតហ្វូនចំនួន ១០ម៉ូដែលដែលមនុស្សលើពិភពលោកកំពុងសម្លឹងចង់បាន ហើយអ្នកខ្លះក៏កំពុងប្រើហើយដែរ។

១) iPhone 6
ជាកូនភ្លោះជាមួយ iPhone 6 Plus ដែលសុទ្ធតែត្រូវបានក្រុមហ៊ុន Apple ពង្រីកអេក្រង់លើស្មាតហ្វូនទំនើបទាំងពីរនេះមានទំហំធំជាងជំនាន់ iPhone មុនៗ។ នៅលើសេវាកម្មស្វែងរុករក Yahoo ទូរស័ព្ទ iPhone 6 បានជាប់ជាពាក្យដែលមានការស្វែងរកច្រើនជាងគេចំណាត់ថ្នាក់លេខ៩ ប្រចាំឆ្នាំ២០១៤។ បច្ចេកវិទ្យាថ្មីខ្លះបានបំពាក់ ហើយខ្លះទៀតត្រូវបានធ្វើបច្ចុប្បន្ននៅលើ iPhone 6/6 Plus កាន់តែទំនើប។ ថ្មត្រូវបានបង្កើនថាមពលខ្ពស់ជាងមុន iPhone 6 មាន 1810mAh ចំណែក iPhone 6 Plus 2915mAh ខណៈ iPhone 5S មានត្រឹម 1560mAh។ ក្នុងនោះអង្គចងចាំក៏ត្រូវបានបង្កើនរហូតដល់ 128GB ដែរ។ មុខងារថ្មីលេចធ្លោគឺ Apply Pay អាចបង់ប្រាក់ទិញទំនិញតាមទូរស័ព្ទដៃបាន។

... រឿងរ៉ាវសំខាន់ៗជុំវិញក្រុមហ៊ុន និងបុគ្គលល្បីល្បាញក្នុងពិភពបច្ចេកវិទ្យា កើតមានអំឡុងឆ្នាំ២០១៤ នេះ ...

២) Galaxy S5
ត្រូវបានចាត់ទុកជាស្មាតហ្វូន Android ទំនើបបំផុតមួយលើពិភពលោកប្រចាំឆ្នាំ២០១៤នេះ ដោយសមត្ថភាពដំណើរការ ព្រមទាំងបច្ចេកវិទ្យា ពិសេសគឺមុខងារស្កេនក្រយៅដៃ finger print។ Galaxy S5 ទទួលបានការពេញនិយមខ្លាំង ដោយលក់ដាច់ច្រើននៅត្រីមាសទី៣ ឆ្នាំ២០១៤។ នៅលើ Yahoo search ពាក្យ Galaxy S5 គឺជាប់លេខ២ ជាផលិតផលមានការស្វែងរកច្រើនជាងគេនៅឆ្នាំ២០១៤។ ស្មាតហ្វូន Galaxy Alpha ជាម៉ូដែលទូរស័ព្ទដែលមានការរំពឹងថា នឹងទទួលបានប្រជាប្រិយភាពខ្លាំងបន្តពី Galaxy S5។

៣) Galaxy Note 4
រយៈពេល ៣ឆ្នាំមុនពេល Apple បញ្ចេញទូរស័ព្ទផេប្លេត iPhone 6 Plus គឺមានតែ Galaxy Note របស់ក្រុមហ៊ុន Samsung ទេដែលជាកំពូលផេប្លេតស៊ីដាច់គេ។ ឧបករណ៍កាត់ស្មាតហ្វូន និងកាត់ថេប្លេតដំបូង Galaxy Note មានអេក្រង់ ៥,៧អ៊ីញអាចបំពេញតម្រូវការអ្នកប្រើដែលចង់បានអេក្រង់ធំៗ ប៉ុន្តែស្រួលយកតាមខ្លួន មិនដូចថេប្លេត។ ចំណែក Note 4 នេះគឺរឹតតែជោគជ័យថែមទៀតជាមួយការអភិវឌ្ឍ ទទួលបានបច្ចុប្បន្នភាពសមត្ថភាព និងបច្ចេកវិទ្យារឹតតែទំនើប ក្នុងនោះក៏មានបច្ចេកវិទ្យាស្កេនក្រយៅដៃ និងមុខងារត្រួតពិនិត្យសុខភាព។

៤) GoPro HERO4 Black
គឺជាកាមេរ៉ាសម្រាប់ថតវីដេអូ និងរូបភាពក្នុងកម្រិត 4K image បាន 30frame/វិនាទី ហើយមានសមត្ថភាពអាចថតបានច្បាស់នៅទីកន្លែងខ្សោយពន្លឺ។ កាមេរ៉ា GoPro នេះមានតម្លៃប្រហែល ៥០០ដុល្លារអាមេរិក។

... Huawei ប្រកាសស្មាតហ្វូនមានឈ្មោះស្រដៀង iPhone 6 Plus ហើយឌីហ្សាញរូបរាង និងចេញពណ៌មាសដូចគ្នាទៀត! ...

៥) Apple iPad mini
អ្នកប្រើចង់បានស្មាតហ្វូនមានអេក្រង់ធំៗ ប៉ុន្តែគេចង់ឱ្យថេប្លេតនោះមានទំហំល្មម មិនធំជ្រុលដោយសារពិបាកយកតាមខ្លួន។ iPad mini គឺជាថេប្លេតទទួលបានការគាំទ្រប្រើប្រាស់ច្រើនជាមួយទំហំ ៧,៩អ៊ីញល្មមប្រើស្រួលយកតាម។ នៅចុងខែតុលា ក្រុមហ៊ុន Apple ប្រកាសចេញ iPad mini 3 ជាមួយសមត្ថភាព hardware ដំណើរការលឿនជាងជំនាន់មុន និងបច្ចេកវិទ្យាទំនើបចុងក្រោយ Touch ID។

៦) Xbox One
ជាឧបករណ៍ហ្គេម Game Console ដែលផលិតដោយ Microsoft ចាប់ផ្ដើមចេញលក់តាំងពីខែវិច្ឆិកាឆ្នាំ២០១៣ ទទួលបានការពេញនិយមគួរសម ប៉ុន្តែចំណែកទីផ្សារមួយចំណែកត្រូវបានដណ្ដើមដោយ PlayStation 4 របស់ Sony។

៧) Amazon Kindle Fire
មានឯកទេសសម្រាប់អានសៀវភៅអេឡិចត្រូនិក (ebook reader) និងជាថេប្លេត។ កាលពីខែកញ្ញាកន្លងទៅ ក្រុមហ៊ុន Amazon បានណែនាំថេប្លេត Kindle ថ្មីចំនួន៣ស៊េរី ជាមួយទំហំអេក្រង់ផ្សេងគ្នាគឺ ៦អ៊ីញ .,ថេប្លេត ៧អ៊ីញ Fire HD និង Fire HDX ជាមួយតម្លៃរៀងគ្នា ៩៩ដុល្លារ ១៣៩ដុល្លារ និង៣៧៩ដុល្លារ។ ឧបករណ៍ ebook reader ជំនាន់ចុងក្រោយរបស់ Amazon គឺ Kindle Voyage តម្លៃ ២០០ដុល្លារ។

... មានដឹងអត់ថា នៅលើ iPhone/iPad របស់អ្នកមានមុខងារពិសេសអាចសរសេរ SMS តាមអ្នកនិយាយបានយ៉ាងលឿន! ...

៨) Sony PlayStation 4
រយៈពេលប្រហែល ១ឆ្នាំមកហើយដែល Sony ចេញលក់ PlayStation 4 ទទួលបានការពេញនិយមជាឧបករណ៍ហ្គេមទំនើប។ PlayStation 4 កំពុងដណ្ដើមចំណែកទីផ្សារជាមួយ Xbox ដោយមានតម្លៃធូរជា Xbox One ១០០ដុល្លារ។ សមត្ថភាពក្រាហ្វិករបស់ PlayStation 4 ខ្ពស់ ដំណើរការរលូន។

៩) iPad Air
ទំហំធំនៅលើស្មាតហ្វូនអាចជាទីចាប់អារម្មណ៍សម្រាប់សាធារណជន ប៉ុន្តែថេប្លេតអេក្រង់ធំ ហើយមានកម្រាស់ស្ដើងទៀត ក៏កាន់តែពេញនិយមខ្លាំងនាពេលបច្ចុប្បន្ន។ ជាក់ស្ដែង iPad Air 2 នេះមានកម្រាស់ស្ដើងជា iPad មុនៗត្រឹមតែ ៦,១មិល្លីម៉ែត្រប៉ុណ្ណោះ។ នៅមានបច្ចេកវិទ្យាទំនើបៗដូចជា touch ID, អង្គប្រតិបត្តិដំណើរការលឿនជាងមុន កាមេរ៉ាថតបានច្បាស់ជាងមុន បច្ចេកវិទ្យា Wi-Fi ល្អជាងមុន ក៏ត្រូវបានបំពាក់លើ iPad Air 2 ដែរ។

១០) Microsoft Surface Pro 3
គឺជាថេបេ្លតមុខងារកុំព្យូទ័រដំណើរការដោយប្រព័ន្ធប្រតិបត្តិការ Windows Operating System។ តម្លៃថេប្លេតកាត់កុំព្យូទ័រនេះចន្លោះពី ៧៩៩ដុល្លារ ទៅ ១៥៤៩ដុល្លារអាមេរិក។ Surface Pro 3 ត្រូវបានឌីហ្សាញ និងមានលក្ខណៈសម្បត្តិស័ក្ដិសមប្រើសម្រាប់អ្នកជំនួញយកតាមខ្លួន ព្រោះអាចប្រើកម្មវិធីការិយាល័យ Microsoft Office បាន។ អេក្រង់ Surface Pro 3 ទំហំ ១២អ៊ីញ ភ្ជាប់មកជាមួយជើងទម្រពិសេស Kickstand ងាយស្រួលប្រើជាមួយ keyboard អាចដកបាន៕

... Xiaomi និង Apple រាសីឡើងចំណែកទីផ្សារស្មាតហ្វូនសុទ្ធតែល្អជាងមុន ធ្លាក់ចុះតែ Samsung ...

ស្ដេច Gadget ចំនួន ១០ ពេញនិយមបំផុតសម្រាប់មនុស្សលើលោកក្នុងឆ្នាំ២០១៤ នេះ

លោក Mark Zuckerberg ប៊ិះភ័យស្លាំងមុខដោយសារស្ត្រីម្នាក់សួរថា “បើយើងមានកូនជាមួយគ្នា តើគិតធ្វើយ៉ាងណាចំពោះ Facebook”!

លោក Mark Zuckerberg នាយកប្រតិបត្តិក្រុមហ៊ុន Facebook មានដំបូន្មានខ្លះៗជុំវិញការយល់ឃើញរបស់ឪពុកម្ដាយដែលមិនចង់ឱ្យ កូនៗប្រើ Facebook ថា «កុំហាមពួកគេអី»។ នៅក្នុងវេទិកាសំណួរចម្លើយជាសាធារណៈលើកទី២ ក្នុងឆ្នាំ២០១៤ ដែលបានធ្វើឡើងពីពេលថ្មីៗនេះ អ្នកចូលរួមសួរសំណួរដែលជាស្ត្រីមានកូនស្ថិតក្នុងវ័យជំទង់ម្នាក់ បានសួរតទល់ផ្ទាល់ជាមួយលោក Zuckerberg ថា៖ «ខ្ញុំជាម្ដាយម្នាក់ដែលមានកូនវ័យជំទង់ម្នាក់ ហើយប្រសិនលោក និងខ្ញុំរៀបការជាមួយគ្នា តើយើងគួរធ្វើយ៉ាងណាចំពោះ Facebook ជាមួយកូនស្រីរបស់យើង?» តើប្រិយមិត្តដឹងពីចម្លើយយ៉ាងណារបស់ស្ថាបនិកក្រុមហ៊ុនបណ្ដាញសង្គម ល្បីល្បាញនេះឬទេ?

មហាសេដ្ឋីវ័យក្មេង Zuckerberg ប៊ិះស្លាំងមុខដោយសារសំណួរចុងក្រោយអមដោយសំឡេងសើចហាក់ដូចជាចំអក របស់ស្ត្រីម្នាក់ ប៉ុន្តែលោកបានឆ្លើយតបទៅវិញបែបកំប្លែងស្ងួត។ ទោះបីលោកមិនទាន់មានកូន តែលោកបានឆ្លើយថា លោកនឹងអនុញ្ញាតដោយមិនហាមឃាត់ក្នុងការប្រើបណ្ដាញសង្គមឬ បច្ចេកវិទ្យានោះទេ។

... របៀបលាក់មិនឱ្យ Friend អ្នកដឹងថាអ្នកបានអានសារ Facebook របស់គេ អនុវត្តលើកុំព្យូទ័រប្រើកម្មវិធី Chrome (មានវីដេអូ) ...

«ខ្ញុំគិតថា ពេលខ្លះសង្គមបានដាក់សម្ពាធលើក្មេងៗបន្តិចហើយ ដែលនៅពេលខ្លះ ពួកយើងជាមនុស្សធំ ធ្វើឲ្យពួកគេមានភាពស្មុគស្មាញជាងការដែលអ្នកអាចស្រមៃដល់» លោក Zuckerberg និយាយដូច្នេះ។ «ខ្ញុំចង់ឱ្យកូនៗរបស់ខ្ញុំ ប្រើប្រាស់បច្ចេកវិទ្យា ដោយសារតែវាគឺជាវិធីសាស្ត្រមួយក្នុងការសម្រួលការរៀនសូត្រ និងការអភិវឌ្ឍជំនាញនៅក្នុងសម័យបច្ចេកវិទ្យាទំនើបនេះ»។ ទោះបីជា លោក Zuckerberg ឆ្លើយគាំទ្រដល់ការអនុញ្ញាតឱ្យក្មេងៗប្រើ Facebook និងបច្ចេកវិទ្យាក៏ដោយ ប៉ុន្តែលោកក៏បានដាស់តឿនឱ្យមានការប្រុងប្រយ័ត្នអំពីបញ្ហាពិត ប្រាកដ ដែលក្រុមហ៊ុនធ្វើការដើម្បីការពារ ដោយក្មេងៗអាយុក្រោម ១៣ឆ្នាំ មិនត្រូវបានអនុញ្ញាតឱ្យចូលរួមប្រើប្រាស់ Facebook បាននោះទេ។

គួររំលឹកថា នៅក្នុងវេទិកាសំណួរ-ចម្លើយដដែលនេះ លោក Mark Zuckerberg ក៏បានឆ្លើយតបនឹងសំណួរពាក់ព័ន្ធនឹងប៊ូតុង Dislike ថាលោកមិនចង់បន្ថែមប៊ូតុងមិនចូលចិត្តនេះទេ ព្រោះវាអាចធ្វើឱ្យអ្នកប្រើ ឬម្ចាស់ Status ខ្មាសគេដោយសារ friend បញ្ចេញចំណាប់អារម្មណ៍តាមការចុចប៊ូតុង Dislike ទៅវិញ៕
ប្រភព៖ today.com

លោក Mark Zuckerberg ប៊ិះភ័យស្លាំងមុខដោយសារស្ត្រីម្នាក់សួរថា “បើយើងមានកូនជាមួយគ្នា តើគិតធ្វើយ៉ាងណាចំពោះ Facebook”!

ក្រុមហ៊ុនបច្ចេកវិទ្យាចំនួន ១០ល្បីល្បាញ និងមានតម្លៃទីផ្សារថ្លៃជាងគេលើលោកក្នុងឆ្នាំ២០១៤

កត់សំគាល់ វិស័យព័ត៌មានវិទ្យា (IT) នៅរយៈពេលប៉ុន្មានឆ្នាំចុងក្រោយនេះគឺមានការអភិវឌ្ឍ ជឿនលឿនយ៉ាងខ្លាំង ដោយសារក្រុមហ៊ុនធំៗទាំងនោះខិតខំ ផលិត/បង្កើត ឧបករណ៍/Hardware/Software និងសេវាកម្មល្អៗ ដែលផ្ដល់អត្ថប្រយោជន៍ខ្លាំងដល់ដំណើរការអាជីវកម្មរបស់អតិថិជន យកទៅប្រើប្រាស់។ ក្រុមហ៊ុនដែលមានសន្ទុះអភិវឌ្ឍ និងបានការគាំទ្រពីសាធារណជនមានដូចជា៖ ក្រុមហ៊ុន Amadeus, CA, Intuit ជាមួយ Adobe, Symantec និង Microsoft ជាដើម។

ក្នុងរយៈពេលមួយឆ្នាំពេញនៅឆ្នាំ២០១៤ ដែលជិតផុតទៅនេះ តើក្រុមហ៊ុនអភិវឌ្ឍវិស័យព័ត៌មានវិទ្យា (IT) ណាខ្លះ មានឈ្មោះបោះសំឡេង និងទទួលស្គាល់គុណភាពពីសាធារណជនលើបណ្ដាប្រទេសជុំវិញពិភពលោក? ខាងក្រោមនេះ គឺជាក្រុមហ៊ុន IT មានតម្លៃបំផុតលើពិភពលោកក្នុងឆ្នាំ២០១៤ (គិតទៅលើតម្លៃមូលធននីយកម្មទីផ្សារ)។

... CEO ក្រុមហ៊ុន Oracle ចុះចេញពីតំណែងហើយតែងតាំងអ្នកថ្មីម្ដងពីរនាក់ជាសហនាយកប្រតិបត្តិ ...

១០) HCL Technology Limited
គឺជាក្រុមហ៊ុនផ្នែកព័ត៌មានវិទ្យា (IT) ល្អបំផុតមួយដែលមានមូលដ្ឋានស្ថិតនៅប្រទេសឥណ្ឌា។ HCL គឺជាប្រភេទក្រុមហ៊ុន Software ដ៏ធំ ហើយផ្ដល់ទាំងសេវាកម្មផ្នែកហេដ្ឋារចនាសម្ពន្ធពាក់ព័ន្ធ Web Server (Infrastructure) និងធ្វើ outsourcing អាជីវកម្ម (Business Process Outsourcing)។
-ឆ្នាំបង្កើតក្រុមហ៊ុន ១៩៧៦
-ប្រភេទផលិតផល/សេវាកម្ម៖ ៖ Software, Infrastructure និង Business process outsourcing
-ផលិតផល និងសេវាកម្មបច្ចុប្បន្នមាននៅលើ ៣១ប្រទេសលើពិភពលោក
-ស្នាក់ការធំនៅទីក្រុង Noida ប្រទេសឥណ្ឌា
-បុគ្គលិកសរុប ៨៥ ៥០៥នាក់
-ចំណូល = ៤,៦៦ពាន់លានដុល្លារ
-ចំណេញ = ០,៧៣៦ពាន់លានដុល្លារ
-ទ្រព្យសម្បត្តិសរុប = ៤,២៣ពាន់លានដុល្លារ
-តម្លៃទីផ្សារ = ១៦,៦ពាន់លានដុល្លារ

៩) Amadeus IT Holding
ជាប្រភេទក្រុមហ៊ុនសាជីវកម្មផ្ដល់ដំណោះស្រាយផ្នែកបច្ចេកវិទ្យា (Technological Solutions) ដល់អតិថិជន។
-ឆ្នាំបង្កើតក្រុមហ៊ុន ១៩៨៧
-ប្រភេទផលិតផល/សេវាកម្ម៖ សេវាកម្មធ្វើដំណើរ, សណ្ឋាគារ, អាកាសចរណ៍, ផ្លូវរថភ្លើង, អាកាសយានដ្ឋាន, ក្រុមហ៊ុនជួលរថយន្ត និងប្រតិបត្តិករសាឡាង។
-ស្នាក់ការធំនៅទីក្រុង Madrid ប្រទេសអេស្ប៉ាញ
-បុគ្គលិកសរុប ១១ ០០០នាក់
-ចំណូល =៤,១២ពាន់លានដុល្លារ
-ចំណេញ = ០,៧៤៧ពាន់លានដុល្លារ
-ទ្រព្យសម្បត្តិសរុប = ៧,៤៨ពាន់លានដុល្លារ
-តម្លៃទីផ្សារ = ១៨,៨៥ពាន់លានដុល្លារ

៨) CA Technologies
ជាប្រភេទក្រុមហ៊ុនឈានមុខផ្នែកព័ត៌មានវិទ្យាលើពិភពលោក ដែលផ្ដល់ដំណោះស្រាយ និង Software ផ្គត់ផ្គង់ដល់អតិថិជនដើម្បីគ្រប់គ្រងការងារពាក់ព័ន្ធវិស័យនេះ។
-ឆ្នាំបង្កើតក្រុមហ៊ុន ១៩៧៦
-ប្រភេទផលិតផល/សេវាកម្ម៖ កម្មវិធី និងសេវាកម្ម (Application and Service), ដំណោះស្រាយផ្នែកសហគ្រាស (Enterprise solution), សេវាកម្មព័ត៌មានវិទ្យា (Service)
-ស្នាក់ការធំនៅទីក្រុងញូវយ៉ក សហរដ្ឋអាមេរិក
-បុគ្គលិកសរុប ១២ ៦០០នាក់
-ចំណូល = ៤,៦៤៣ពាន់លានដុល្លារ
-ចំណេញ = ០,៩៥៥ពាន់លានដុល្លារ
-ទ្រព្យសម្បត្តិសរុប = ១១,៨១១ពាន់លានដុល្លារ
-តម្លៃទីផ្សារ៖ ១២,០៧ពាន់លានដុល្លារ

... គេហដ្ឋានរបស់ CEO និងស្ថាបនិកក្រុមហ៊ុនបច្ចេកវិទ្យាយក្សថ្លៃផុតលេខទាំង ១២រូប ...

៧) Intuit Inc
ជាប្រភេទក្រុមហ៊ុនផ្ដល់ Software tool ដើម្បីជួយដល់អតិថិជនក្នុងការដោះស្រាយបញ្ហាការគ្រប់គ្រងផ្នែកហិរញ្ញវត្ថុ។
-ឆ្នាំបង្កើតក្រុមហ៊ុន ១៩៨៣
-ប្រភេទផលិតផល/សេវាកម្ម៖ ផ្ដល់ Software និងសេវាកម្មសម្រាប់គ្រប់គ្រងផ្នែកហិរញ្ញវត្ថុសម្រាប់ក្រុមហ៊ុន ពាណិជ្ជកម្មប្រើប្រាស់ ជាក់ស្ដែងកម្មវិធី Quicken និង Mint។
-ស្នាក់ការធំនៅទីក្រុង Palo Alto, រដ្ឋកាលីហ្វូញ៉ា
-បុគ្គលិកសរុប ៨២០០នាក់
-ចំណូល = ៤,១៧១ពាន់លានដុល្លារ
-ចំណេញ = ០,៨៥៨ពាន់លានដុល្លារ
-ទ្រព្យសម្បត្តិសរុប = ៥,៤៨៦ពាន់លានដុល្លារ
-តម្លៃទីផ្សារ = ២២,៥០៩ពាន់លានដុល្លារ

៦) Adobe Systems Incorporated
ជាប្រភេទក្រុមហ៊ុនអភិវឌ្ឍ Software ឈានមុខគេលើពិភពលោក។
-ឆ្នាំបង្កើតក្រុមហ៊ុន ១៩៨២
-ប្រភេទផលិតផល/សេវាកម្ម៖ Digital marketing (ផ្ដល់ software ផ្សេងៗជាជំនួយដល់ផ្នែកផ្សព្វផ្សាយបែបឌីជីថល) និង Digital media (ស៊េរីកម្មវិធី Adobe៖ Adobe Acrobat និង Adobe InDesignt ...ល...)
-ស្នាក់ការធំនៅទីក្រុង San Jose រដ្ឋកាលីហ្វូញ៉ា សហរដ្ឋអាមេរិក
-បុគ្គលិកសរុប ១១៨៤៧នាក់
-ចំណូល = ៤,០៥៥ពាន់លានដុល្លារ
-ចំណេញ = ០,២៨៩៩៩ពាន់លានដុល្លារ
-ទ្រព្យសម្បត្តិសរុប = ១០,៣៨ពាន់លានដុល្លារ
-តម្លៃទីផ្សារ = ៣២,‌២៣៥ពាន់ដុល្លារ

៥) Symantec Corporation
ជាប្រភេទក្រុមហ៊ុនផ្ដល់ដំណោះស្រាយផ្នែកសុវត្ថិភាពលើឧបករណ៍ផ្ទុក ទិន្នន័យ និងប្រព័ន្ធ ដើម្បីឱ្យអតិថិជនអាចគ្រប់គ្រងអាជីវកម្មប្រកបដោយសុវត្ថិភាពខ្ពស់។
-ឆ្នាំបង្កើតក្រុមហ៊ុន ១៩៨២
-ប្រភេទផលិតផល/សេវាកម្ម៖ Security and Compliance (ផ្ដល់ដំណោះស្រាយផ្នែកសុវត្ថិភាព ធ្វើការផ្ទៀងផ្ទាត់ និងអ៊ិនគ្រីបទិន្នន័យ ជៀសវាងបាត់បង់ទិន្នន័យ ទប់ស្កាត់ការរាតត្បាតមេរោគកុំព្យូទ័រ), ការគ្រប់គ្រង Storage and Server (ផ្ដល់ការគ្រប់គ្រងផ្នែកព័ត៌មាន និងគ្រប់គ្រងអង្គផ្ទុកទិន្នន័យជាលក្ខណៈស្តង់ដារ) , Customer (ផ្ដល់កម្មវិធីសុវត្ថិភាពកម្ចាត់មេរោគ៖ Norton Internet Security, Norton AntiVirus, Norton Live Service, Norton Online Backup, Norton 360, Norton Mobile Security, Norton One និង Norton 360 Everywhere) និង Service (ផ្ដល់សេវាកម្ម និងដំណោះស្រាយដល់អតិថិជនដើម្បីប្រើប្រាស់កម្មវិធី Symantec) ។
-ស្នាក់ការធំនៅទីក្រុង Mountain View រដ្ឋកាលីហ្វូញ៉ា សហរដ្ឋអាមេរិក
-បុគ្គលិកសរុប ២១៥០០នាក់
-ចំណូល = ៦,៩០៦ពាន់លានដុល្លារ
-ចំណេញ = ០,៧៦៥ពាន់លានដុល្លារ
-ទ្រព្យសម្បត្តិសរុបក្រុមហ៊ុន = ១៤,៣៧៩ពាន់លានដុល្លារ
-តម្លៃទីផ្សារ = ១៥,២១ពាន់លានដុល្លារ

... CEO ក្រុមហ៊ុន Oracle ប្រាក់ខែគោល ១ដុល្លារ តែរកចំណូលបានច្រើនជាងគេ! ...

៤) VMware Inc.
ជាប្រភេទក្រុមហ៊ុនអភិវឌ្ឍកម្មវិធី Virtual Machine និងផ្ដល់ដំណោះស្រាយលើហេដ្ឋារចនាសម្ពន្ធសេវាកម្មផ្ទុកទិន្នន័យអនឡាញ Cloud។
-ឆ្នាំបង្កើតក្រុមហ៊ុន ១៩៨៨
-ប្រភេទផលិតផល/សេវាកម្ម៖ Cloud infrastructure and management និង end-user computing។
-ស្នាក់ការធំនៅទីក្រុង Palo Alto រដ្ឋកាលីហ្វូញ៉ា សហរដ្ឋអាមេរិក
-បុគ្គលិកសរុប ១៤ ៣០០នាក់
-ចំណូល = ៥,២០៧ពាន់លានដុល្លារ
-ចំណេញ = ១,០១៤ពាន់លានដុល្លារ
-ទ្រព្យសម្បត្តិសរុបក្រុមហ៊ុន = ១២,៣២៧ពាន់លានដុល្លារ
-តម្លៃទីផ្សារ = ៤១,៥៤៤ពាន់លានដុល្លារ

៣) SAP AG
ជាប្រភេទក្រុមហ៊ុន Software ឈានមុខគេលើពិភពលោក ក្នុងការផ្ដល់ប្រភេទកម្មវិធីសម្រាប់ផ្នែកសហគ្រាស ដំណោះស្រាយ និង Cloud Subscription។
-ឆ្នាំបង្កើតក្រុមហ៊ុន ១៩៧២
-ប្រភេទផលិតផល/សេវាកម្ម៖ Premise software និង Cloud software
-បុគ្គលិកសរុបក្រុមហ៊ុន ៦៦ ៥៧២នាក់
-ចំណូល = ២២,៣២ពាន់លានដុល្លារ
-ចំណេញ = ៤,៤២ពាន់លានដុល្លារ
-ទ្រព្យសម្បត្តិសរុបក្រុមហ៊ុន = ៣៧,៣៣ពាន់លានដុល្លារ
-តម្លៃទីផ្សារ = ៩៧,១២ពាន់លានដុល្លារ

២) Oracle Corporation
ជាក្រុមហ៊ុន IT ដែលមានតម្លៃបំផុតចំណាត់ថ្នាក់លេខ២។ Oracle អភិវឌ្ឍ Software សម្រាប់សហគ្រាស និងមានជាផលិតផល hardware កុំព្យូទ័រ និងសេវាកម្ម។
-ឆ្នាំបង្កើត ១៩៧៧
-ប្រភេទផលិតផល/សេវាកម្ម៖ software, hardware system និង service
-បុគ្គលិកសរុបក្រុមហ៊ុន ១២២ ៤៥៨នាក់
-ចំណូល = ៣៧,៩ពាន់លានដុល្លារ
-ចំណេញ = ១១,១២ពាន់លានដុល្លារ
-ទ្រព្យសម្បត្តិសរុបក្រុមហ៊ុន = ៨៦,៥៦ពាន់លានដុល្លារ
-តម្លៃទីផ្សារ = ១៨៧,៣៦ពាន់លានដុល្លារ

១) Microsoft Corporation
គឺជាក្រុមហ៊ុន IT មានតម្លៃជាងគេលើពិភពលោក ដែលមានឯកទេសផ្ដល់ Software, Hardware និង Service។
-ឆ្នាំបង្កើត ១៩៧៥
-ប្រភេទផលិតផល/សេវាកម្ម៖ ឧបករណ៍អេឡិចត្រូនិក (Device), Hardware និងអាជ្ញាប័ណ្ណ Software ដល់អតិជន
-បុគ្គលិកសរុបក្រុមហ៊ុន ១២៨ ០៧៦នាក់ (គិតត្រឹមខែមិថុនា ឆ្នាំ២០១៤)
-ចំណូល = ៧៧,៨៤៩ពាន់លានដុល្លារ
-ចំណេញ = ២១,៨៦៣ពាន់លានដុល្លារ
-ទ្រព្យសម្បត្តិសរុបក្រុមហ៊ុន = ១៥៣,៥៤ពាន់លានដុល្លារ
-តម្លៃទីផ្សារ = ៣៣៨,១៨ពាន់លានដុល្លារ

ក្រុមហ៊ុនបច្ចេកវិទ្យាចំនួន ១០ល្បីល្បាញ និងមានតម្លៃទីផ្សារថ្លៃជាងគេលើលោកក្នុងឆ្នាំ២០១៤

តើមេដឹកនាំពិភពលោកល្បីៗ ប្រើទូរស័ព្ទម៉ាកអ្វីខ្លះ?

ជា ច្រើនឆ្នាំកន្លងមកនេះ មេដឹកនាំប្រទេសមហាអំណាចធំៗនៅក្នុងពិភពលោក ច្រើនប្រើទូរស័ព្ទម៉ាក BlackBerry សម្រាប់ទទួលការហៅចូល និងហៅចេញ ការទទួលនិងផ្ញើសារ និងអ៊ីម៉ែល សូម្បីតែប្រធានាធិបតីអាមេរិក លោកបារ៉ាក់អូបាម៉ា ក៏កំពុងប្រើទូរស័ព្ទម៉ាកនេះដែរ។ ខាងក្រោមនេះជាប្រភេទទូរស័ព្ទដែលថ្នាក់ដឹកនាំសំខាន់ៗកំពុងប្រើ មានសេចក្ដីដូចតទៅ។

១- លោកបារ៉ាក់អូបាម៉ា ប្រធានាធិបតីសហរដ្ឋអាមេរិក (ប្រើទូរស័ព្ទម៉ាក BlackBerry)
ពេលឡើងកាន់តំណែងជាប្រធានាធិបតីអាមេរិកកាលពីឆ្នាំ២០០៩ លោកបារ៉ាក់អូបាម៉ាត្រូវការប្រើប្រាស់ទូរស័ព្ទសំណព្វចិត្តរបស់លោក ម៉ាក BlackBerry ទោះបីមន្ត្រីក្នុងសេតវិមានផ្ដល់យោបល់ជូនលោកថា គួរកុំប្រើទូរស័ព្ទដៃផ្ទាល់ខ្លួនធ្វើអ្វីល្អជាង ព្រោះអាចត្រូវគេលបស្ដាប់។ ទូរស័ព្ទរបស់លោកត្រូវបានបញ្ចូលលេខសម្ងាត់ និងកម្មវិធីពិសេសៗ ដើម្បីការពារប្រព័ន្ធទាក់ទងរបស់លោកអូបាម៉ា ហើយមានតែមន្ត្រីសំខាន់ៗបំផុតនៅសេតវិមានប៉ុណ្ណោះ ដែលដឹងលេខសម្ងាត់របស់លោកហើយអាចទាក់ទងជាមួយលោកតាមអ៊ីម៉ែល។

...តើ CEO បច្ចេកវិទ្យាល្បីៗដូចជា Zuckerberg, Bill Gate, Tim Cook, Larry Page ប្រើទូរស័ព្ទម៉ាកអ្វី?...

២- លោកស្រីអេងហ្កេឡាមើកែល (Angela Merkel) អធិការបតីអាល្លឺម៉ង់ (ប្រើទូរស័ព្ទម៉ាក Nokia 6260 និង BlackBerry)
ទូរស័ព្ទរបស់លោកស្រី Merkel ល្បីខ្ទរខ្ទារលើឆាកអន្តរជាតិ បន្ទាប់ពីបែកធ្លាយព័ត៌មានថាភ្នាក់ងារចារកម្មរបស់សហរដ្ឋអាមេរិក (NSA) បានលួចស្ដាប់លោកស្រីនិយាយគ្នាតាមទូរស័ព្ទ។ លោកស្រីប្រើទូរស័ព្ទដៃចំនួនពីរគ្រឿង គឺមួយគ្រឿងម៉ាក Nokia 6260 (touch screen) ដែលក្រុម NSA លួចស្ដាប់ និងមួយគ្រឿងទៀតម៉ាក BlackBerry Z10 សម្រាប់ភ្ជាប់ទំនាក់ទំនងជាមួយមន្ត្រីជាន់ខ្ពស់ក្នុងជួរ រដ្ឋាភិបាល។

៣- លោកវ្ល៉ាឌីមៀពូទីន (Vladimir Putin) ប្រធានាធិបតីរុស្ស៊ី
លោកពូទីន ឲ្យដឹងថាលោកគ្មានទូរស័ព្ទដៃប្រើនឹងគេទេ ព្រោះប្រសិនបើលោកមាន ទូរស័ព្ទរោទ៍គ្រប់វិនាទី រកពេលដេកពួនមិនបានទេ ម៉្លោះហើយសុខចិត្តគ្មានល្អជាង។ ក្រៅមិនប្រើទូរស័ព្ទដៃ លោកក៏មិនប្រើសារអេឡិកត្រូនិក (Email) ឬអ៊ីនធើណិតដែរ ហើយវិធីភ្ជាប់ទំនាក់ទំនងទៅខាងក្រៅគឺតាមរយៈភ្នាក់ងារចារកម្ម បញ្ជូនរបាយការណ៍ជូនលោក។ ផ្ទុយពីនេះ នាយករដ្ឋមន្ត្រីរុស្ស៊ីរុស្ស៊ី លោកម៉ែតវ៉េដេវ (Medvedev) ប្រើទូរស័ព្ទម៉ាក Iphone 4 ដែលលោកប្រើមុនគេបង្អស់ក្នុងពិភពលោក ពេលលោកស្ទីវចប (Steve Job) ជូនលោកជាកាដូនៅ Cilicon Valley។ តាមពិត លោកពូទីនមានទូរស័ព្ទច្រើនគ្រឿង ប៉ុន្តែលោកមិនប្រាប់លេខទៅអ្នកដទៃ និងមិនប្រើសម្រាប់ភ្ជាប់ទំនាក់ទំនងជាមួយអ្នកណាទាំងអស់។

...អ្នកនយោបាយមានជាងគេបំផុតទាំង៨រូបនៅលើពិភពលោក...

៤- លោកហ្វ្រង់ស្វ័រហូឡង់ (François Hollande) ប្រធានាធិបតីបារាំង
ទូរស័ព្ទម៉ាក Iphon 5S ជាទ្រព្យសំណព្វចិត្តរបស់លោកហូឡង់ ហើយលោកទៅណាមកណា ក៏មិនដែលភ្លេចយកទូរស័ព្ទ Iphone 5S យកតាមខ្លួនសោះឡើយ។ លោកប្រើទូរស័ព្ទនេះសម្រាប់ការទំនាក់ទំនងឯកជន។ ដោយឡែក អតីតប្រធានាធិបតីបារាំង លោកសាកូហ្ស៊ី (Nicolas Sarkozy) ប្រើទូរស័ព្ទម៉ាក Teorem និង BlackBerry។

៥- លោកគីមជុងអ៊ុន ប្រធានាធិបតីកូរ៉េខាងជើង
លោកគីមប្រើទូរស័ព្ទម៉ាក HTC របស់តៃវ៉ាន់។ សារព័ត៌មានកូរ៉េខាងត្បូងចុះផ្សាយថាលោកគីមជុងអ៊ុនប្រើទូរស័ព្ទដៃ ដើម្បីភ្ជាប់ទំនាក់ទំនងជាមួយក្រុមគ្រួសារលោក និងមន្ត្រីក្នុងជួរ «បក្សពលករកូរ៉េ»។ នៅកូរ៉េខាងជើង ក្នុងចំណោមប្រជាពលរដ្ឋទាំងជាង ២៥ លាននាក់ មាន២លាននាក់មានទូរស័ព្ទដៃប្រើ។ ទូរស័ព្ទដៃត្រូវបានអនុញ្ញាតឲ្យប្រើសម្រាប់តែមន្ត្រីរដ្ឋាភិបាល ពួកអ្នកមានទ្រព្យសម្បត្តិស្ដុកស្ដម្ភនៅទីក្រុងព្យុងយ៉ាង និងអ្នករកស៊ីដែលត្រូវការទាក់ទងទៅប្រទេសចិន។ ទូរស័ព្ទដៃមិនអាចភ្ជាប់អ៊ីនធើណិតបានទេ គឺបានតែតេហៅ និងផ្ញើសារនៅក្នុងប្រទេស។

...នាយករដ្ឋមន្ត្រី១០រូបមានទ្រព្យសម្បត្តិច្រើនជាងគេបំផុតក្នុងលោក...

៦- លោក Matteo Renzi នាយករដ្ឋមន្ត្រីអ៊ីតាលី
លោក Matteo Renzi ប្រើទូរស័ព្ទ Iphone របស់ក្រុមហ៊ុន Apple ហើយមិនត្រឹមតែទូរស័ព្ទដៃមួយមុខប៉ុណ្ណោះទេ អ្វីក៏ដោយឲ្យតែជាផលិតផលរបស់ Apple សុទ្ធតែជាទ្រព្យសំណព្វចិត្តរបស់លោកទាំងអស់៕
ប្រភព៖ The Guardian

តើមេដឹកនាំពិភពលោកល្បីៗ ប្រើទូរស័ព្ទម៉ាកអ្វីខ្លះ?

Wednesday, December 17, 2014

ចង់ដឹងទេ តើ Hard Drive ប្រើរាល់ថ្ងៃមានបញ្ហាអ្វីខ្លះ?

ថ្ងៃនេះខ្ញុំសូមណែនាំនូវកម្មវិធីមួយមានឈ្មោះថា HD Tune Pro v5.00 ។ វានឹងជួយបង្ហាញពីបញ្ហាដែលមាននៅលើ Hard Drive របស់អ្នក , មិនតែប៉ុណ្ណោះវាអាចបង្ហាញប្រាប់អ្នកនូវឈ្មោះ ប្រភេទ ទំហំ ល្បឿន និង បង្ហាញ Error ផ្សេងៗ ។

ដើម្បីចង់ដឹងពីបញ្ហារបស់ Hard Drive របស់អ្នក សូមចូលទៅកម្មវិធី HD Tune Pro v5.00 ហើយជ្រើសរើសយក HD Tune Pro ហើយចូលទៅ Health ត្រង់ Status វានឹងបង្ហាញប្រាប់អ្នក ប្រសិនបើ ok គឺវាមិនេអ្វីទេ តែបើវាមាន warming បានន័យថាវាមានបញ្ហាហើយ ។

ចុចត្រង់នេះដើម្បីដោនឡូតកម្មវិធី :)

ចង់ដឹងទេ តើ Hard Drive ប្រើរាល់ថ្ងៃមានបញ្ហាអ្វីខ្លះ?

ចុចត្រង់នេះដើម្បីដោនឡូតកម្មវិធី :)

ធ្លាប់ហេស ចូលក្នុង Task Manager ឃើញត្រង់ Disk Run 100% ?

Teachnoloy & Magic

0 Comments

របៀបជួយសម្រួល់បានខ្លះ ទៅលើបញ្ហា Disk Run 100% !!!!!

ដើម្បីដោះស្រាយបញ្ហាខាងលើនេះ សូម USER ទាំងអស់គ្នាអនុវត្តន៏តាមវិធានខ្លះដូចជា៖
១ ចូលទៅ Disable Start Up មួយចំនួនដែលអ្នកគិតថាវាមិនបានការ ឫមិនទាន់ចាំបាច់នឹងប្រើវា ។
២ សូមចូលទៅបិទនូវកម្មវិធីក្នុង Task Manager ណាដែលអ្នកគិតថាវាឥតប្រយោជន៏ ឫមិនទាន់ចាំបាច់នឹងប្រើវា ដើម្បីកុំឲ្យវាទាន់ Speed ធ្វើឲ្យ Disk វា Run ខ្លាំង ។ សូមកុំដំណើរការកម្មវិធីច្រើនពេកនៅលើ Window បើមិនចាំបាច់ប្រើបិទសិនទៅ ។
៣ សូមចូលទៅបិទ Services មួយចំនួន :
I- CRT+R (ចូលទៅ RUN ) រួចសូមវាយ services.msc
II- ស្វែងរក Services ដែលមានឈ្មោះថា Superfetch នឹង Windows Search រួច Right-Click យក Properties ត្រប់ Status Type: សូមជ្រើសរើសយក Disable ( Disable ម្តង់មួយ) ។
មានវីដីអូសម្រាប់ជួយដល់ការអនុវត្តន : https://www.youtube.com/watch?v=LDYPtnv5gaw

ធ្លាប់ហេស ចូលក្នុង Task Manager ឃើញត្រង់ Disk Run 100% ?

Teachnoloy & Magic

0 Comments

របៀបជួយសម្រួល់បានខ្លះ ទៅលើបញ្ហា Disk Run 100% !!!!!

Definition List

Tuesday, December 30, 2014

ចេះតែមាន!!! យកកាមេរ៉ា iPhone 6 សាកល្បងជាមួយកាមេរ៉ារបស់ CNN

ចេះតែមាន!!! យកកាមេរ៉ា iPhone 6 សាកល្បងជាមួយកាមេរ៉ារបស់ CNN

iPhone 6 Plus ជាប់កំណត់ត្រាពិភពលោកជាមួយបុរសវ័យ 17 ឆ្នាំ (មានវីដេអូ)

iPhone 6 Plus ជាប់កំណត់ត្រាពិភពលោកជាមួយបុរសវ័យ 17 ឆ្នាំ (មានវីដេអូ)

ទៅទាញយក IPSW iOS 8.1.2 ពី Links ស្វ័យប្រវត្តិរបស់ Apple

Downloads

iPhone:

ទៅទាញយក IPSW iOS 8.1.2 ពី Links ស្វ័យប្រវត្តិរបស់ Apple

Downloads

iPhone:

Saturday, December 20, 2014

Nokia ឈប់អភិវឌ្ឍសេវាកម្មផែនទី HERE maps នៅលើ WP ទុកឱ្យ Microsoft បន្តវិញ

Nokia ឈប់អភិវឌ្ឍសេវាកម្មផែនទី HERE maps នៅលើ WP ទុកឱ្យ Microsoft បន្តវិញ

ស្ដេច Gadget ចំនួន ១០ ពេញនិយមបំផុតសម្រាប់មនុស្សលើលោកក្នុងឆ្នាំ២០១៤ នេះ

ស្ដេច Gadget ចំនួន ១០ ពេញនិយមបំផុតសម្រាប់មនុស្សលើលោកក្នុងឆ្នាំ២០១៤ នេះ

លោក Mark Zuckerberg ប៊ិះភ័យស្លាំងមុខដោយសារស្ត្រីម្នាក់សួរថា “បើយើងមានកូនជាមួយគ្នា តើគិតធ្វើយ៉ាងណាចំពោះ Facebook”!

លោក Mark Zuckerberg ប៊ិះភ័យស្លាំងមុខដោយសារស្ត្រីម្នាក់សួរថា “បើយើងមានកូនជាមួយគ្នា តើគិតធ្វើយ៉ាងណាចំពោះ Facebook”!

ក្រុមហ៊ុនបច្ចេកវិទ្យាចំនួន ១០ល្បីល្បាញ និងមានតម្លៃទីផ្សារថ្លៃជាងគេលើលោកក្នុងឆ្នាំ២០១៤

ក្រុមហ៊ុនបច្ចេកវិទ្យាចំនួន ១០ល្បីល្បាញ និងមានតម្លៃទីផ្សារថ្លៃជាងគេលើលោកក្នុងឆ្នាំ២០១៤

តើមេដឹកនាំពិភពលោកល្បីៗ ប្រើទូរស័ព្ទម៉ាកអ្វីខ្លះ?

តើមេដឹកនាំពិភពលោកល្បីៗ ប្រើទូរស័ព្ទម៉ាកអ្វីខ្លះ?

Wednesday, December 17, 2014

ចង់ដឹងទេ តើ Hard Drive ប្រើរាល់ថ្ងៃមានបញ្ហាអ្វីខ្លះ?

ចង់ដឹងទេ តើ Hard Drive ប្រើរាល់ថ្ងៃមានបញ្ហាអ្វីខ្លះ?

ធ្លាប់ហេស ចូលក្នុង Task Manager ឃើញត្រង់ Disk Run 100% ?

ធ្លាប់ហេស ចូលក្នុង Task Manager ឃើញត្រង់ Disk Run 100% ?

Popular Posts